Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Մեկ շաբաթվա ընթացքում ռուսական ռադիոլոկացիոն կայաններն արձանագրել են օտարերկրյա պետություններին պատկանող 51 ինքնաթիռ: Ռուսաստանի Դաշնության սահմանների մոտակայքում թռիչքները տեղի են ունեցել օտարերկրյա պետությունների հետախուզական գործունեության շրջանակներում։
Օդային հետախուզությունն իրականացվել է 46 հետախուզական ինքնաթիռների և հինգ անօդաչու թռչող սարքերի միջոցով: Բոլոր թռիչքները վերահսկվել են ռուսական ռադարային համակարգերի կողմից: Երկիր ներխուժումը կանխելու համար ռուսական կործանիչները չորս անգամ օդ են բարձրացել` օտարերկրյա ինքնաթիռներին ուղեկցելու համար: Ռուսաստանի օդային սահմանների խախտումներ չեն եղել:
Հունիսի կեսերին ՆԱՏՕ-ն կոչ էր անում Ռուսաստանին` վերադառնալ «Բաց երկնքի մասին» պայմանագրին, որը նախատեսում է անզեն հետախուզական անարգել թռիչքներ համաձայնագրին մասնակից երկրների տարածքներում: Հյուսիսատլանտյան դաշինքը հույս ունի, որ Ռուսաստանի դուրս գալու որոշման` ուժի մեջ մտնելուց մի քանի ամսվա ընթացքում Մոսկվան կչեղարկի այն և կվերադառնա պայմանագրի լիարժեք իրագործմանը:
Հիշեցնենք, որ համաձայնագրից դուրս գալու որոշումը Ռուսաստանը կայացրել էր ԱՄՆ-ի նույնանման որոշումից հետո: