Իրանը Բաքվին հետախուզական տեղեկատվություն է տրամադրել Շուշիում Աշխարհի ադրբեջանցիների կոնգրեսին օտարերկրյա հետախուզական ծառայությունների մասնակցության վերաբերյալ

Իրանի արտգործնախարարության ներկայացուցիչ Սայիդ Խաթիբզադեն մամուլի ասուլիսի ժամանակ խոսել է Արցախից օկուպացված Շուշի քաղաքում Աշխարհի ադրբեջանցիների կոնգրեսի անցկացման մասին. հայտնում է Isna-ն։

«Վերջին մի քանի ամիսների ընթացքում Իրանը և Ադրբեջանը փորձում են հաղթահարել այն թյուրըմբռնումները, որոնք երբեմն տեղի են ունենում լրատվամիջոցներում», - ասել է ԱԳՆ խոսնակը։

Նա նշել է, որ Իրանն իր բոլոր դիտարկումները փոխանցել է Ադրբեջանի իշխանություններին Թեհրանում Ադրբեջանի դեսպանատան և արտաքին գործերի նախարարության միջոցով։

«Մենք եղբայրական ու խաղաղ մոտեցմամբ փորձում ենք ուղղել մեր ցանկացած հարեւանի սխալը։ Եթե մեր երկրի հետախուզությունն ունի կոնկրետ տեղեկատվություն, ապա այդ հարցը պետք է մշակվի ավանդական խողովակներով։ Այդ տեսակետը փոխանցվել է Ադրբեջանի իշխանություններին»,- ընդգծել է Խաթիբզադեն։

Հիշեցնենք, որ Իրանում Շուշիում «ադրբեջանցիների համագումարի» անցկացումը համարվել է սադրանք, քանզի դրան էին մասնակցում նաև Իրանում գործող անջատողականններ: