Ամերիկյան զորքերը լքել են Աֆղանստանում ամենամեծ ամերիկյան ավիաբազան

ԱՄՆ զորքերը լքել են Աֆղանստանում ամենամեծ ամերիկյան ավիաբազան: Այս մասին հայտնում է Fox News-ը՝ հղում կատարելով երկու բարձրաստիճան աղբյուրների:

Պարզաբանվում է, որ օբյեկտը փոխանցվել է երկրի իշխանություններին: Միևնույն ժամանակ, հեռուստաընկերության զրուցակիցները չեն մեկնաբանել փոխանցված ավիաբազայի վիճակը՝ մատնանշելով  այդ տվյալների բացահայտման արգելքը:

Ռազմաբազան տեղակայված է երկրի մայրաքաղաքի հյուսիսում: 1979-1989 թվականների պատերազմի ժամանակ այն կիրառվել է խորհրդային զորքերի կողմից, 2001 թ.-ին ԱՄՆ-ի՝ Աֆղանստան ներխուժումից հետո անցել է ԱՄՆ-ի ձեռքը`դառնալով Աֆղանստանում Միացյալ Նահանգների ամենամեծ և հիմնական բազան: