Իսրայելական երկու F-35 ինքնաթիռներ են ժամանել Բաքու

Զինվորականների տվյալներով՝ Իսրայելի ռազմաօդային ուժերի երկու F-35 ինքնաթիռներ վայրէջք են կատարել Բաքվում: Այս մասին հայտնում է Մեծ Բրիտանիայում հեռարձակվող Elaph արաբական լրատվական կայքը՝ հղում անելով իսրայելական բարձրաստիճան աղբյուրի:

Այս անտեսանելի ինքնաթիռները կիրառվում են միջուկային օբյեկտների ռմբակոծման համար: Քանի որ Իսրայելը չունի անմիջական մուտք դեպի Իրան, դրանց տեղակայումը Բաքվում մեծ նշանակություն ունի:

Վերջին շաբաթներին, երբ Իրանում ուրանի հարստացումը հասել է 60%-ի, Իսրայելի հակաիրանական ակտիվությունը մեծացել է, ուստի Բաքուն օգտագործվում է որպես այդ նպատակներին հասնելու պլացդարմ:

Երկու երկրների հարաբերություններում վերջին երեք շաբաթվա ընթացքում լարվածությունը կարող է Իսրայելի համար այս բազան ստեղծելու սցենար լինել: