Հայաստանն այսօր նման է մի տան, որի դուռն ու պատուհանը չկա, և ցանկացած մեկը կարողանում է ներխուժել

«Հայաստանն այսօր նման է մի տան, որի դուռն ու պատուհանը չկա, և ցանկացած մեկը կարողանում է ներխուժել այդ տուն ու ամեն ինչից օգտվել։ Իսկ երբ տան տերն ուզում է ինչ-որ բան խոսել, նրան ապտակ են հասցնում»,- երկրում տիրող իրավիճակն այսպես ներկայացրեց «Վերածնվող Հայաստան» կուսակցության նախագահ Վահե Հակոբյանը՝ Մեծամորում «Հայաստան» դաշինքի քարոզարշավի ժամանակ։

«Երբ տան տերը օգնության համար դիմում է հարևանին, ով է ասում է՝ դուռդ ու պատուհանդ սկզբից դիր։ Այդ դուռն ու պատուհանն առաջարկում է «Հայաստան» դաշինքը՝ ամուր, երկաթե։ Մենք գալիս ենք, որ բերենք մեր ժողովրդին հանգստություն, քանի որ բոլորը հոգնել են երկրում տիրող թշնամությունից»,- ասաց Վահե Հակոբյանը։