Որակյալ փոքրամասնություն․ «Հրապարակ»

«Իհարկե, և՛ Նիկոլ Փաշինյանի վրա վարդի թերթիկներ շաղ տվող, և՛ նրա գռեհկաբանության վրա հիացած մարդիկ մեր ժողովրդի մի մասնիկն են, ինչպես մեր ժողովրդի մի մասնիկն է նաև ադրբեջանցիներին մեր զինվորականների կոորդինատները տված դավաճանը, որի մեղքով պատերազմի հենց առաջին օրերին նրանց թիրախավորված ոչնչացրին։ Ժողովրդի մասնիկն են նաև ԱԱԾ-ի «պադվալներում» 20 տարուց ավելի անցկացրած ոճրագործ եղբայրները՝ Նաիրի և Կարեն Հունանյանները։ Ժողովրդի մի մասնիկն է նաև Մոսկովյան փողոցում գիշերող տղամարդը, որն ասֆալտի վրա քնում է, մարդկանց ողորմածությամբ ապրում։

Երբ գրագիտության, աշխարհընկալման, ընտրություններ կատարելու հարցում ժողովրդի մեծամասնությունը սխալ է կողմնորոշվում, վտանգվում է նրա ապագան։ Նրա գոյությունը դառնում է մազից կախված։ Ինչ-որ պահից որոշումներ կայացնելու, ազգի ու պետության ճակատագիրը որոշելու առաքելությունը մենք հանձնեցինք ժողովրդի ոչ բարձրորակ հատվածին՝ 4-րդ դասարանի կրթությամբ, հանցագործության հակված, պորտաբույծ և ոչինչ չստեղծող մարդկանց։ Եվ արդյունքը եղավ սա»,-գրում է թերթը։

Նյութն ամբողջությամբ կարդացեք թերթի այսօրվա համարում։