Ծխողները հետապնդվող փոքրամասնություն են

Բրիտանացի դերասան Ջերեմի Այրոնսը հանդես է եկել Նյու Յորքի քաղաքապետ Մայքլ Բլումբերգի` հրապարակներում եւ այգիներում ծխելն արգելելու որոշման դեմ. տեղեկացնում է The Daily Telegraph-ը:

Դերասանը Բլումբերգի որոշումը որակել է որպես «անիմաստ եւ սարսափեցնող հետապնդում մի փոքրամասնության, որը չի կարող պատասխան տալ»:

Այրոնսի կարծիքով` ծխողներին հարկավոր է պաշտպանել, ինչպես «ֆիզիկական արատներով մարդկանց կամ երեխաների»: Ինքը` 62-ամյա դերասանը, ծխախոտը չի անտեսում:

Այրոնսի դիրքորոշումն արդեն հասցրել է քննադատել Անաշխատունակ քաղաքացիների օգնության ազգային միությունը: Այդ կազմակերպության ներկայացուցիչները հայտարարել են, որ ծխողների ու ֆիզիկական արատներ ունեցողների համեմատությունը «միանգամայն անհարկի» է: