Թշնամին Գեղարքունիքի մարզում մոտ 30 րոպե կրակոցներ է արձակել

Ադրբեջանցի զինծառայողները մոտ 30 րոպե դիրքերի ուղղությամբ կրակոցներ են արձակել, որը գյուղում չի լսվել: Այս մասին հայտնում է Կութի  գյուղապետ Սիմա Չիտչյանը:

«Գյուղում կրակոցներ չեն լսվել, ինձ Սոթքից են հայտնել, որ մոտ 30 րոպե դիրքային հատվածում կրակոցներ են հնչել: Այս պահին ամեն ինչ հանգիստ է»,-ասաց նա:

Հիշեցնենք՝ մայիսի 12-ին թշնամին խախտելով հայ-ադրբեջանական սահմանը՝ մի քանի կիլոմետր Սյունիքի, Գեղարքունիքի մարզերի հատվածներում առաջ է եկել, մինչ օրս նրանք առաջ եկած հատվածներում են և հետ չեն գնացել։

Հիշեցնենք նաև, որ հունիսի 6-ին Կութ գյուղի հովվի մոտից թշնամին գողացել էր գյուղի բնակիչներին պատկանող մոտ 80 կով, նա նաև կրակել էր հովիի ձիուն, որի արդյունքում հովիվը ձիուց ընկել էր։ Մինչև այժմ թշնամին դեռ կովերին չի վերադարձրել։