Քրդերը Սիրիայում 4 թուրքամետ զինյալ և մեկ թուրք զինվոր են ոչնչացրել

Աֆրինի ազատագրման ուժերը հայտարարություն են տարածել մայիսի 17-ից 24-ը տեղի ունեցած մի շարք գործողությունների վերաբերյալ։

Մայիսի 17-ից 24-ն ընկած ժամանակահատվածում քրդական ուժերը մի շարք արդյունավետ գործողություններ են իրականացրել օկուպանտ թուրքական պետության և նրա զինյալների դեմ:

Մայիսի 17-ին Ռաջոյի շրջանի Խաչիկա գյուղում դիվերսիայի արդյունքում երկու զինյալ է սպանվել, իսկ երկուսը՝ վիրավորվել: Վնասվել է նաև հակառակորդի մեքենան:

Մայիսի 18-ին Աֆրին նահանգի Աշրաֆիե շրջանում գործողության ընթացքում զինյալ է վիրավորվել:

Մայիսի 19-ին Ջարաբլուսում դիվերսիա է իրականացվել բռնազավթիչների դեմ: Հնարավոր չի եղել հստակեցնել այս գործողության արդյունքում ոչնչացվածների և վիրավորների թիվը:

Մայիսի 24-ին Ազազի Կաֆրհվաշե գյուղի մոտակայքում դիպուկահարների գործողության արդյունքում սպանվել է երկու թուրքամետ զինյալ: Նույն օրը անօդաչու թռչող սարքի հարձակում է սկսվել Ազազի Քիլ Ջիբրին գյուղում՝ զորանոցների վրա: Սպանվել է մեկ զինծառայող, ևս երկուսը վիրավորվել են:

Ընդհանուր առմամբ, այս գործողությունների ընթացքում ոչնչացվել է 4 զինյալ և 1 թուրք զինծառայող, ինչպես նաև վիրավորվել է 3 զինյալ և 2 զինվոր։