ԱՄՆ-ն Իսրայելին հորդորել է հնարավորինս շուտ դադարեցնել պաղեստինյան արմատականների դեմ գործողությունները

ԱՄՆ պետքարտուղար Էնթոնի Բլինքենը նախազգուշացրել է Իսրայելի արտգործնախարար Գաբի Աշկենազիին, որ Վաշինգտոնն ակնկալում է պաղեստինյան արմատականների դեմ իսրայելական ռազմական գործողության շուտափույթ ավարտ:

Ըստ Axios պորտալի աղբյուրների՝ Բլինքենը տեղեկացրել է իսրայելցի գործընկերոջը, որ ամերիկյան կողմը խոչընդոտում է ՄԱԿ-ի Անվտանգության խորհրդում Ֆրանսիայի նախաձեռնությանը՝ դադարեցնել կրակը Իսրայելի և Գազայի հատվածի միջև: Միաժամանակ, պետքարտուղարը շեշտել է, որ Վաշինգտոնը «չի կարող շարունակել աջակցել Իսրայելին հրապարակային և դիվանագիտական ճանապարհով»:

Իսրայելի ԱԳՆ ղեկավարը Բլինքենին ասել է, որ գործողությունն ավարտելու համար կպահանջվի ևս մի քանի օր: