կարևոր
4879 դիտում, 10 ամիս առաջ - 2023-04-17 23:30
Աշխարհ Քաղաքական

Ռուսաստանը շահագրգռված է, որ Ուկրաինայում հակամարտությունը հնարավորինս շուտ ավարտվի. Լավրով

Ռուսաստանը շահագրգռված է, որ Ուկրաինայում հակամարտությունը հնարավորինս շուտ ավարտվի. Լավրով

Ռուսաստանը շահագրգռված է, որ Ուկրաինայում հակամարտությունը հնարավորինս շուտ ավարտվի: Ինչպես հայտնում է РИА Новости-ին, այս մասին հայտարարել է ՌԴ արտգործնախարար Սերգեյ Լավրովը։

«Ակնհայտ է, որ մենք շահագրգռված ենք, որ ուկրաինական հակամարտությունը հնարավորինս շուտ ավարտվի։ Մենք արդեն մանրամասն բացատրել ենք տեղի ունեցողի պատճառները, նպատակները, որոնք մենք այս առումով հետապնդում ենք»,- ասել է Լավրովը` Բրազիլիայի արտգործնախարար Մաուրո Վիեյրայի հետ բանակցություններից հետո կայացած ճեպազրույցում։

Նա հավելել է, որ այսօր ինքը և իր բրազիլացի գործընկերը խոսում էին «այն համատեքստի մասին, որը պետք է նկատի ունենալ՝ լուծելու նման խնդիրները ոչ թե պահի, այլ երկարաժամկետ պայմանավորվածությունների հիման վրա, որոնք առաջին հերթին պետք է հիմնված լինեն բազմակողմանիության և առանց բացառության բոլոր պետությունների՝ անվտանգության ոլորտում շահերի նկատառման սկզբունքների վրա»։