Պենտագոնը հրաժարվել է երկու ավիակիր ուղարկել Սև ծով`էսկալացիայից խուսափելու համար. Politico

ԱՄՆ պաշտպանության նախարարությունը որոշել է Սև ծով չուղարկել երկու ավիակիր, ինչպես նախապես ծրագրված էր, որպեսզի կանխի տարածաշրջանում լարվածության հետագա սրումը և չսադրի Ռուսաստանին: Այս մասին հինգշաբթի հաղորդել է Politico թերթը՝ վկայակոչելով ամերիկյան վարչակազմի աղբյուրները:

Ըստ պարբերականի զրուցակցի՝ «իրավիճակի անհարկի սրացումից խուսափելու համար որոշվել է ձեռնպահ մնալ ուղարկելուց»: Դրա պատճառներից մեկը, իբր, «կարևոր պահին Մոսկվային հրահրել չցանկանալն էր»:

Հրապարակման մեջ նշվում է, որ ԱՄՆ իշխանությունները նախկինում Թուրքիային ծանուցել էին նավերի ժամանման «նախնական ծրագրերի» մասին: Ամերիկյան կողմի տեսանկյունից՝ այս «քայլը անսովոր չէր և նախատեսված չէր՝ «որպես նոր ազդանշան»:

Պարբերականը, վկայակոչելով ուկրաինացի նախկին պաշտոնյայի, նշում է, որ «Կիևում ոմանք հիասթափված են, որ ռազմանավերն, արդյունքում, չեն ուղարկվել Սև ծով»: