Փոխարժեքներ
09 06 2025
|
||
---|---|---|
USD | ⚊ | $ 384.44 |
EUR | ⚊ | € 434.11 |
RUB | ⚊ | ₽ 4.8278 |
GBP | ⚊ | £ 515.15 |
GEL | ⚊ | ₾ 140.51 |
Իսպանական MÈS per Mallorca քաղաքական կուսակցությունը միացել է Լեռնային Ղարաբաղի պատերազմի գերիներին ազատ արձակելու համար Ադրբեջանին ուղղված ստորագրահավաքին: Այս մասին տեղեկացնում է «Europa Press»-ը:
MÈS per Mallorca կուսակցության անդամները հանդիպել են Մալյորկայի հայ համայնքի ներկայացուցիչների հետ, որպեսզի նրանց փոխանցեն հայ գերիներին ազատ արձակելու պահանջով Ադրբեջանին ուղղված բողոք-ստորագրահավաքին միանալու իրենց որոշումը։
Հանդիպմանը մասնակցել են Պալմա դե Մայորկայի քաղաքապետարանի աշխատակից Նեուս Տրույոլը և սենատոր Վիսենց Վիդալը։ Տրույոլը մարդու իրավունքների կոպիտ ոտնահարում է անվանել հրադադարից հետո Բաքվի կողմից շուրջ 200 հայերին պատանդի կարգավիճակում պահելը և նրանց ահաբեկիչ որակելը։
Թեև Հայաստանի, Ռուսաստանի և Ադրբեջանի ղեկավարների՝ նոյեմբերի 9-ի համատեղ հայտարարության 8-րդ կետով հստակ շեշտվել է ռազմագերիների, պատանդների և պահվող այլ անձանց ու մահացածների մարմինների փոխանակման մասին, սակայն Ադրբեջանն արհեստականորեն ձգձգում է այս գործընթացը՝ ամբողջությամբ հետ չվերադարձնելով հայ ռազմագերիներին և պահվող այլ անձանց: