Ռուսաստանը պատրաստ է բանակցել Թուրքիայի հետ Սու-35-ի և Սու-57-ի շուրջ

Ռուսաստանը պատրաստ է բանակցություններ վարել Թուրքիայի հետ Սու-35 և Սու-57 կործանիչների հնարավոր առաքման հարցով համապատասխան հարցման դեպքում: Այս մասին ուրբաթ լրագրողներին ասել է Ռուսաստանի Ռազմատեխնիկական համագործակցության դաշնային ծառայության մամուլի քարտուղար Վալերիա Ռեշետնիկովան:

«Ինչ վերաբերում է Անկարայի կողմից ռուսական Սու-35 և Սու-57 կործանիչներ գնելու հնարավոր ծրագրին, հարկ է նշել, որ թուրքական կողմը լիովին տեղեկացված է դրանց տեխնիկական բնութագրերի մասին: Եթե Թուրքիայից հայտ գա այդ ինքնաթիռների համար, ապա մենք պատրաստ ենք բանակցել այս հարցի շուրջ»,- տեղեկացրել է Ռեշետնիկովան:

Նրա խոսքով՝ Ռուսաստանը նախկինում հայտնել էր 5-րդ թուրքական սերնդի վերջին կործանիչ TF-X- ի ստեղծման ծրագրին մասնակցելու պատրաստակամություն: «Թուրքական կողմը երկար ժամանակ մտադիր էր իրականացնել սեփական 5-րդ սերնդի կործանիչ TF-X ստեղծելու նախագիծը: Ռուսաստանը նախկինում նշել էր, որ պատրաստ է դիտարկել այս ծրագրի շրջանակներում համագործակցության հնարավորությունը: Այնուամենայնիվ, մենք համապատասխան դիմում դեռ չենք ստացել Անկարայից»,- հավելել է Ռեշետնիկովան: