Մենք նախատեսում ենք Հնդկական օվկիանոսը կապել Եվրասիայի հետ Հայաստանի միջոցով. Իրանում Հնդկաստանի դեսպան

Իրանում Հնդկաստանի դեսպան Գադդամ Դհարմենդրան, շեշտելով Իրանի Չաբահար նավահանգստի զարգացման կարևորությունը, նշել է. «Մենք ծրագրում ենք կապել Չաբահարի արևմտյան մասն ու Հնդկական օվկիանոսը Եվրասիայի և Հելսինկիի հետ Հայաստանի տարածքով՝ ստեղծելով «Հյուսիս–հարավ» միջանցքը»։

Նա նշել է, որ Նյու Դելին ծրագրում է Չաբահարը դարձնել տարածաշրջանի ամենակարևոր և ամենաբեռնված նավահանգիստը. հաղորդում է իրանական Khabaronline թերթը:

Հնդիկ դիվանագետը երկաթուղով Աֆղանստանի կապը Չաբահար նավահանգստի հետ անվանել է Հյուսիս-հարավ խոշոր միջանցքի նախագծի առաջին օղակը: Նա շեշտել է, որ Նյու Դելին ձգտում է զարգացնել իր հարաբերությունները օվկիանոսային Չաբահար նավահանգստի միջոցով Կասպից ծովից արևելք և արևմուտք ծով ելք չունեցող երկրների հետ: