ԱՄՆ-ն արգելափակել է թուրքական ուղղաթիռների առաքումը Պակիստան

Վաշինգտոնը կանխել է թուրքական արտադրության 30 ATAK հարվածային ուղղաթիռների մատակարարումը Պակիստանին, որոնք այժմ, ամենայն հավանականությամբ, կստանա Չինաստանը. հայտարարել է Թուրքիայի նախագահի խորհրդական Իբրահիմ Քալընը՝ մեկնաբանելով ԱՄՆ-ի պատժամիջոցները։

Թուրքիայի պաշտպանական արդյունաբերության վարչության ներկայացուցիչը ՌԻԱ «Նովոստի»-ին հայտնել է, որ Թուրքիան և Պակիստանը 2018-ին համաձայնագիր են ստորագրել 30 ATAK ուղղաթիռների մատակարարման մասին, որը Թուրքիայի պատմության մեջ ամենամեծ պայմանագիրն է պաշտպանական արտադրանքի միանվագ մատակարարման համար: Դրա գումարը գնահատվել է 1,5 միլիարդ դոլար:

Այնուամենայնիվ, պայմանագրի կատարումը հետաձգվել է ԱՄՆ-ի կողմից Թուրքիային շարժիչների արտահանման լիցենզիա տրամադրելու մերժման պատճառով, այն բանի համար, որ Կոնգրեսը արգելափակել է Թուրքիային ամերիկյան զենքի մատակարարումը` ստիպելով նրան հրաժարվել Ռուսաստանից գնված Ս-400-ներից: Թուրքիան ցանկանում է սկսել  ուղղաթիռների շարժիչների իրնարտադրությունը:

«ԱՄՆ-ն արգելափակել է Պակիստանին մարտական ուղղաթիռների՝ մեր նախատեսվող վաճառքը: Սա, ամենայն հավանականությամբ, կհանգեցնի նրան, որ քննարկվող մրցույթը կուղղվի Չինաստան, իսկ ԱՄՆ-ը պարտված դուրս կգա»,- ասել է Քալընը Bloomberg գործակալությանը տված հարցազրույցում: