Ռուս խաղաղապահներն ապահովել են 50 տոննա մարդասիրական օգնության առաքումը Լաչինի միջանցքով և Աղդամի ճանապարհով

Ռուս խաղաղապահներն ապահովել են 50 տոննա մարդասիրական օգնության առաքումը ԼՂ բնակչությանը Լաչինի միջանցքով և Աղդամի ճանապարհով։ Այս մասին հայտնում է ՌԴ Պաշտպանության նախարարությունը։

«Ռուս խաղաղապահներն ապահովել են մարդասիրական բեռների մատակարարումը Ղարաբաղի խաղաղ բնակչությանը Լաչինի միջանցքով և Աղդամի ճանապարհով։ Ընդհանուր առմամբ առաքվել է ավելի քան 50 տոննա սննդամթերք»,- ասվում է գերատեսչության հաղորդագրության մեջ։

ՌԴ Պն–ն հայտնում է, որ ռուս խաղաղապահների ռազմակայանում շարունակում է ապաստանել 826 խաղաղ բնակիչ, որոնք դեռ չեն կարող վերադառնալ իրենց տները։ «Մարդկանց ցուցաբերվել է անհրաժեշտ ողջ աջակցությունը, տրամադրվել է բուժօգնություն, կացարան և տաք սնունդ»,– ասվում է հաղորդագրությունում։