Կիպրոսի Հայ դատի հանձնախումբը դիմել է Լառնակայի քաղաքապետարան՝ «Գորշ գայլեր» անունով փողոցն անվանափոխելու առաջարկով

Կիպրոսի Հայ դատի հանձնախումբը դիմել է Լառնակայի քաղաքապետարան՝ քաղաքի փողոցներից մեկը, որը կրում է «Գորշ գայլեր» անվանումը, փոխելու առաջարկով: Այս մասին նշվում է Հանձնախմբի կողմից տարածված տեղեկատվության մեջ:

«…Հանձնախումբը, նկատի ունենալով, որ Լառնագա քաղաքի փողոցներից մեկը կրում է «BOZ KURT» (անգ.՝Grey Wolves, «Գորշ Գայլեր») անվանումը, դիմել է Լառնակայի քաղաքապետարան՝ այդպիսով հայտնելով իր վրդովմունքը: Փոխքաղաքապետի հետ տեղի ունեցած զրույցի ընթացքում ներկայացվել են անվանումը փոխելու համար հիմք հանդիսացող պատճառները»,- նշվում է հրապարակման մեջ:

Հաղորդվում է, որ Լառնակայի փոխքաղաքապետը խոստացել է, որ հարցը քննելու է քաղաքապետարանի ավագանին:

«Հայ դատի հանձնախումբը կհետևի գործընթացին և համայնքին տեղյակ կպահի»,- ասվում է հրապարակման մեջ: