ՀՀԿ-ն դեմ քվեարկեց Կասյան փողոցը Վազգեն Վեհափառի անունով անվանափոխելու նախագծին

Երևանի ավագանու նիստում այսօր քննարկվեց նաև Երևանի Արաբկիր վարչական շրջանի Կասյան փողոց Վազգեն Առաջին Վեհափառի անունով անվանակոչելու հարցը:

ՀՀԿ խմբակցության անդամ Ռուզաննա Սիրունյանը նշեց, որ իրականում իրենք դեմ չեն Վեհափառի անունով փողոց ունենալուն, սակայն դեմ ենք Կասյանը վերանվանելուն:

«Ելք» խմբակցության անդամ Ալեն Սիմոնյանի «ինչո՞ւ» հարցին նա պատասխանեց, որ արդեն իսկ ասաց՝ իրենք դեմ ենք փողոցներն անվանափոխելուն: Ալեն Սիմոնյանը կրկնեց հարցը` ինչո՞ւ են դեմ: Քաղաքապետ Տարոն Մարգարյանն արձագանքեց. «Որ դուք չիմանաք»:

Այսպիսով՝ ՀՀԿ-ն դեմ քվեարկեց նախագծին, և ձայների՝ 1 ձեռնպահ, 11 կողմ, 39 դեմ հարաբերակցությամբ նախագիծը չընդունվեց: