ՏԵՍԱՆՅՈՒԹ․ «Ժուլիկությունը», որը Փաշինյանն անում էր ներհայաստանյան մակարդակում, գործի դրեց նաև միջազգային ասպարեզում․ Հրանտ Մարգարյան

Ամոթը լավ բան է` ըստ Yerkir.am-ի ասաց ՀՅԴ Բյուրոյի նախկին ներկայացուցիչ Հրանտ Մարգարյանը Հանրապետության հրապարակում Նիկոլ Փաշինյանի հրաժարականի պահանջով հանրահավաքի ժամանակ լրագրողների հետ զրույցում։

«Թշնամուն անձնատուր եղածն իրավունք չունի հավակնելու քաղաքականություն ղեկավարելուն: Եթե նվազագույն հարգանք ունի երկրի եւ ժողովրդի հանդեպ, պետք է կամավոր գնա»,-ասաց նա:

Հիշեցրեց, որ ինքն առնվազն երկու տարի առաջ էր ասել, որ պատերազմ լինելու է:

«Բոլոր տվյալները ցույց էին տալիս, որ մենք պարտվելու ենք այդ պատերազմում: Այն, ինչ եղավ, հանկարծակիի չպետք է բերեր մեզ, մենք վաղուց պետք է իմանայինք, թե պատերազմն ինչպիսին է լինելու, իսկ ինքը չկարողացավ սպառազինության այնպիսի բալանս ստեղծել, որ մենք դուրս գանք իրավիճակից: Ոչ էլ կարողացավ ճիշտ բանակցել»,-ասաց Հրանտ Մարգարյանը:

Նա նշեց, որ «ժուլիկությունը», որը Փաշինյանը անում էր ներհայաստանյան մակարդակում, գործի դրեց նաև միջազգային ասպարեզում։

«Այս ամենով հանդերձ՝ Փաշինյանը չի ուզում հասկանալ, որ պետք է հեռանա, հետեւաբար, նրան պետք է հեռացնել, նա շատ վտանգավոր բան է անում՝ համառում է մնալ պաշտոնին եւ ժողովրդին մղում ծայրահեղությունների, որոնցից պետք է զերծ պահենք: Երկիրն այս պահին նոր ցնցումներ չպետք է ապրի: Մենք Էլչիբեյի Ադրբեջան չպետք է դառնանք»,-ասաց Հրանտ Մարգարյանը:

Մանրամասն՝ տեսանյութում․