Չավուշօղլուն խորհուրդ է տվել Դենդիասին՝ ուրիշներից օգնություն չխնդրել Թուրքիային պատժելու համար

Թուրքիայի արտգործնախարար Մևլյութ Չավուշօղլուն արձագանքել է իր հույն գործընկեր Նիկոս Դենդիասի մեկնաբանություններին նախորդ հանգստյան օրերին. Դենդիասը հայտարարել էր, որ ԵՄ-ն պետք է էլ ավելի հեռուն գնար՝ պատժելով Թուրքիային Արևելյան Միջերկրական ծովում անօրինական գործունեության համար.

«Հարգելի՛ Նիկո, ահա մի քանի ընկերական խորհուրդներ նոր տարվա համար. դադարեցրեք ուրիշներից օգնություն խնդրելը և հույն ժողովրդի արժանապատվությունը վիրավորելը:

Թող 2021 թվականը լինի այն տարին, երբ մենք արդարացիորեն կլուծենք մեր տարաձայնությունները՝ ուղղակիորեն, անկեղծորեն և լուրջ խոսելով»,– իր թվիթերյան էջում գրել է թուրք նախարարը։