Էրդողանը ԱՄՆ պատժամիջոցներն անվանել է հարձակում Թուրքիայի ինքնիշխանության դեմ

Թուրքիայի նախագահ Ռեջեփ Թայիփ Էրդողանը հայտարարել է, որ Վաշինգտոնի պատժամիջոցները Անկարայի դեմ ռուսական Ս-400 հակաօդային պաշտպանության համակարգեր գնելու պատճառով անհամատեղելի են դաշնակցային հարաբերությունների հետ.: «Սա հարձակում է Թուրքիայի ինքնիշխանության վրա»,- նշել է նա:

ԱՄՆ-ը պատժամիջոցներ է սահմանել Թուրքիայի պաշտպանական արդյունաբերության վարչության և դրա ղեկավար Իսմայիլ Դեմիրի, ինչպես նաև Թուրքիայում ևս երեք անձանց դեմ «Ռուսաստանի հետ առնչության համար»:

«Երեկ ԵՄ-ն սպառնացել է պատժամիջոցներ կիրառել մեր դեմ, հետո՝ ԱՄՆ-ը ... Մինչ այժմ CAATSA-ն ոչ մեկի նկատմամբ չի կիրառվել, բացի ՆԱՏՕ-ի երկրից: Ի՞նչ է այդ դաշինքը,  ո՞րն է հիմքը: Թուրքիան Ռուսաստանից գնել է Ս-400-ը: Մի՞թե Թուրքիան ձեզանից չի՞ պահանջել հակաօդային պաշտպանության համակարգ: Այս որոշումը հարձակում է մեր ինքնիշխանության դեմ, մեզ վրա ճնշում գործադրելու միջոց է»,- ասել է Էրդողանը՝ ելույթ ունենալով Անկարայում:

Նա նշել է, որ Թուրքիան բազմիցս առաջարկել է Միացյալ Նահանգներին՝ ստեղծել աշխատանքային խումբ Ս-400-ի վերաբերյալ հակասությունները լուծելու համար: «Երեկվա որոշումից հետո մենք կրկնակի քրտնաջան կաշխատենք պաշտպանական արդյունաբերության մեջ մեր սեփական արտադրությունն ավելացնելու համար: Մենք վաղուց ենք հետևում թողել այն օրը, երբ նման պատժամիջոցները խանգարում են մեզ»,- հավելել է Թուրքիայի ղեկավարը: