Իրանի դեմ վարած տնտեսական պատերազմում ԱՄՆ ձախողումը Թրամփի պարտության պատճառներից մեկն էր. Ռոհանի

Իրանի նախագահ Հասան Ռոհանին հայտարարել է, որ ԱՄՆ գործող նախագահի պարտությունն ընտրություններում և նրա մրցակցի հաղթանակը պայմանավորված են Իրանի դեմ Վաշինգտոնի վարած լիամասշտաբ տնտեսական պատերազմով:

«Թրամփը բոլորովին չհասկացավ Իրանի հնարավորություններն ու իրականությունը և գործում էր իր պատրանքների հիման վրա: Սպիտակ տան ձախողումն Իրանի հետ առճակատման հարցում 2.5 տարի տևած լիամասշտաբ տնտեսական պատերազմում, ինչպես նաև նրա ձախողումները միջազգային քաղաքականության ասպարեզում պատճառ դարձան ընտրություններում Թրամփի պարտության համար»,- «Թանսիմ» գործակալության փոխանցմամբ՝ ասել է Ռոհանին:

Նրա խոսքով՝ Իրանի ժողովրդի դիմակայությունն ԱՄՆ պատժամիջոցների, ճնշումների դեմ նշանակալի փաստերի ապացույց է դարձել ողջ աշխարհի համար: