Հայտնի են Վրաստանի խորհրդարանական ընտրությունների վերջնական արդյունքները

Վրաստանում խորհրդարանական ընտրությունների վերջնական արդյունքները հայտնի են։  Այս մասին տեղեկանում ենք երկրի ԿԸՀ պաշտոնական կայքից, ըստ որի՝ իշխող «Վրացական երազանք» կուսակցությունը Վրաստանի խորհրդարանի 150 մանդատից ստացել է 90-ը: Մնացած 60 ձայները բաշխվել են ընդդիմադիր 8 կուսակցությունների միջև:

Ըստ այդմ՝ Վրաստանի իշխող կուսակցությունը գերազանցել է իր իսկ ռեկորդն ու այդպիսով կարողացել երրորդ անգամ պահել իշխանությունը՝ ստանալով ընտրողների ավելի քան 48%-ի աջակցությունը:

Հիշեցնենք՝ խորհրդարանական ընտրությունները Վրաստանում անցկացվել են հոկտեմբերի 31-ին: Նոյեմբերի 22-ին անցկացվել է երկրորդ փուլ՝ 17 մեծամասնական ընտրատարածքներում: