Թրամփն ակնարկել է 2024 թ. նախագահի պաշտոնում առաջադրման մասին

ԱՄՆ ներկայիս նախագահ Դոնալդ Թրամփը կողմնակիցներին ակնարկել է, որ 2024-ին կառաջադրի իր թեկնածությունը նախագահի պաշտոնում, եթե չկարողանա մնալ այս պաշտոնում 2020-ի ընտրությունների արդյունքներից հետո. հայտնում է Politico-ն:

«Հրաշալի չորս տարի է եղել: Մենք փորձում ենք ևս չորս տարի անել: Եթե՝ ոչ, ապա կտեսնվենք չորս տարի հետո»,- թերթը մեջբերում է Թրամփի՝ Հանրապետական ազգային կոմիտեի անդամների առջև ելույթի խոսքերը:

Ավելի վաղ տարբեր ԶԼՄ-ներ հայտնել էին Թրամփի՝ 2024 թվականին բարձրագույն պաշտոնում առաջադրվելու մտադրության մասին: New York Times-ը գրել է, որ Թրամփը կարող է հայտարարել իր թեկնածությունը 2024 ընտրություններին, հենց որ հաստատվի իր մրցակից Ջո Բայդենի հաղթանակը 2020 թվականին: