Թրամփը պատրաստվում էր հարձակում գործել Իրանում միջուկային օբյեկտի վրա. NYT

ԱՄՆ նախագահ Դոնալդ Թրամփը նոյեմբերի 12-ին իր ավագ խորհրդականների հետ խորհրդակցել է առաջիկա շաբաթներին Իրանի հիմնական միջուկային օբյեկտի դեմ «գործողություններ ձեռնարկելու» հնարավորության մասին. հաղորդում է The New York Times- ը՝ վկայակոչելով ԱՄՆ նախկին և ներկայիս պաշտոնյաների:

Հրապարակման համաձայն՝ փոխնախագահ Մայք Փենսը, պետքարտուղար Մայք Պոմպեոն, պաշտպանության նախարարի պաշտոնակատար Քրիստոֆեր Միլերը և ԱՄՆ զինված ուժերի շտաբների միացյալ կոմիտեի ղեկավար գեներալ Մարկ Միլին համոզել են նախագահին՝ հետ կանգնել ռազմական հարվածից՝ նախազգուշացնելով, որ նման քայլը կարող է նրա նախագահության վերջին շաբաթներին համատարած բախումների հանգեցնել:

«Ցանկացած միջոց՝ լինի կիբերհարձակում, թե՝ հրթիռային հարված, «գրեթե հաստատ» կուղղվի Նաթանզում գտնվող Իրանի միջուկային կայանին»,- կարծում է NYT: