Թրամփը հավաստիացրել է, որ Բայդենի օրինական հաղթանակի դեպքում կհեռանա ԱՄՆ նախագահությունից. Fox

ԱՄՆ հանրապետական նախագահ Դոնալդ Թրամփը Սպիտակ տունը կազատի օրենքով սահմանված ժամկետում, եթե ընդհանուր ընտրություններում ձայների հաշվարկը արդար լինի, իսկ դեմոկրատ Ջո Բայդենը հաղթի: Այս մասին ուրբաթ հայտարարել է Fox News-ի հաղորդավար Հերալդո Ռիվերան Թրամփի հետ զրույցից հետո:

«Նա ինձ հավաստիացրել է, որ իրատես է և ճիշտ կվարվի: Նա լիովին տպավորություն է թողել, որ եթե իրավիճակը իրեն ձեռնտու չլիներ, եթե քվեարկված բոլոր օրինական ձայները հաշվարկվեին, նա կհետևեր Միացյալ Նահանգների Սահմանադրությանը: Նա կազատի նախագահի աշխատասենյակը սահմանված սահմանադրական ժամկետներում», - տեղեկացրել է Ռիվերան:

«Ես տպավորություն չունեմ, որ նա պատրաստվում է ընտրված առաջնորդին տապալել: Նա պատրաստվում է արդար պայքարի», - ավելացրել է լրագրողը:

Նրա խոսքով՝ Թրամփը չի կորցնում Բայդենին «ջախջախիչ նոկաուտով» հաղթելու հույսը: