Մենք էլ շատ հարցեր ունենք համաձայնագրի շուրջ. Ֆրանսիայի դեսպանը հանդիպել է հադրութցիների հետ

Հայաստանում Ֆրանսիայի դեսպան Ջոնաթան Լաքոթն ընդունել է ՀՀ-ում Ֆրանսիայի դեսպանատան առջև ակցիա իրականացնող հադրութցիներին: «Գիտենք, որ շատ հարցեր կան՝ հայտարարության հետ կապված, որը ստորագրված է։ Նաև շատ հարցեր ունենք մենք, որովհետև չենք ստորագրել այդ հայտարարությունը»,- նշել է ՀՀ-ում Ֆրանսիայի դեսպան Ջոնաթան Լաքոթը։

«Ֆրանսիայի դեսպանության դռները միշտ բաց են ձեզ համար: Գիտենք, որ Հադրութն ամենատուժածն է այս հակամարտությունից և Հադրութի բնակիչները՝ նույնպես: Մեր առաջնահերթությունն է աջակցել տուժածներին: Այսօր նախագահ Մակրոնը հանդիպելու է հայ ներկայացուցիչների հետ: Նախագահ Մակրոնը երեկ ասաց, որ ինչ էլ տեղի ունենա այժմ, պետք է պաշտպանի Հայաստանի ժողովրդի շահը»,- ասել է ՀՀ-ում Ֆրանսիայի դեսպանը: