Վրաստանի վարչապետն արձագանքել է Պոմպեոյի ժամանման լուրին

ԱՄՆ պետքարտուղար Մայք Պոմպեոյի այցը Վրաստան կուժեղացնի երկու երկրների հարաբերություններն ամենաբարձր մակարդակով. Twitter-ի իր օգտահաշվում այսպես է մեկնաբանել Վրաստանի վարչապետ Գիորգի Գախարիան Պոմպեոյի այցի մասին լուրին:

«Ես անհամբեր սպասում եմ ԱՄՆ պետքարտուղարի՝ Վրաստան ժամանմանը: Նրա այցը կամրապնդի ԱՄՆ-ի և Վրաստանի ռազմավարական գործընկերությունը, որը երբևէ քան ամենաբարձր մակարդակի վրա է», - գրել է Գախարիան:

Նա նշել է, որ պետքարտուղարի այցի ընթացքում նախատեսվում է քննարկել տարածաշրջանային աշխարհաքաղաքականության, ինչպես նաեւ անվտանգության ու պաշտպանության ոլորտում համագործակցության հարցերը: Վրաստանի ԱԳՆ-ի հաղորդմամբ՝ Պոմպեոն նախատեսում է երկրում մնալ նոյեմբերի 17-ին և 18-ին:

Հիշեցնենք, որ ավելի վաղ ԱՄՆ պետքարտուղարը հայտարարել էր, որ նոյեմբերի 13-ից կմեկնի արտասահմանյան շրջագայություն, որի ընթացքում, բացի Վրաստանից, կայցելի Ֆրանսիա, Թուրքիա, Իսրայել, Քաթար, Արաբական Միացյալ Էմիրություններ և Սաուդյան Արաբիա: