Թուրքիայի ՊՆ-ն հայտնել է Ս-400-ների պահեստամասերի ժամանման մասին

Թուրքիայի ՊՆ-ն պաշտոնապես հայտնել է Ս-400-ների պահեստամասերի` Թուրքիա ժամանման մասին:

«Թուրքիայի օդային և հրթիռային պաշտպանության կարիքներին համար Ս-400 հեռահար օդային և հրթիռային պաշտպանական համակարգերի ձեռք բերման համաձայնագիրը կնքվել էր 2017 թ. ապրիլի 11-ին: Համաձայնագրի շրջանակում Ս-400 հեռահար օդային և հրթիռային պաշտպանական համակարգերի առաջին խմբաքանակի պահեստամասերը 2019 թ. հուլիսի 12-ից սկսել են տեղափոխել Մուրթեդի ավիացիոն տարածք (Անկարա)»,- ասվում է Թուրքիայի ՊՆ հայտարարության մեջ:

Նշենք նաև, որ երեկ թուրքական լրատվամիջոցներում տեղեկություններ էին տարածվել, որ Թուրքիա է ժամանել Ս-400-ների առաջին խմբաքանակը, դրանք տեղափոխող ինքնաթիռները վայրէջք են կատարել Անկարայում և Մալաթիայում: