Չկարողանալով գրավել Շուշին՝ ադրբեջանցիները դրոշ են բարձրացրել այլ քաղաքի մզկիթում՝ հայտարարելով, թե դա Շուշիի մզկիթն է

Երեկ որոշ ադրբեջանական սոցիալական ցանցերում լուսանկար էր հրապարակվել՝ որպես ապացույց Շուշիի գրավման, և որ ադրբեջանական զորքերը դրոշ են կախել Շուշիի մզկիթի մինարեթում. հայտնում է Republic of Artsakh Telegram-ալիքը:

«Մինչդեռ, ըստ ամենայնի, նրանք մի փոքր մոլորվել են և գրավել Գաբալան, քանի որ սա Գաբալայի մզկիթ է: Մի խոսքով՝ ոչ մի նոր բան», - գրել է ալիքը։

Նշենք, որ այս պարզագույն ապատեղեկատվությունը ճշտելու համար անհրաժեշտ է պարզապես համեմատել Շուշիի պարսկական մզկիթի մինարեթը այլ մինարեթների հետ, և ակնհայտ կդառնա, որ Շուշիի վրա անհաջող գրոհներից հետո ադրբեջանցիները փորձում են ամեն կերպ իրենց հասարակությանը որևէ հաջողություն ներկայացնել։