«Լիկուդ»-ում կանխատեսում են Նեթանյահուի հրաժարականը, եթե Բայդենը հաղթի. Times of Israel

Իսրայելական «Լիկուդ» կուսակցությունից պաշտոնյաները մտահոգված են Բայդենի հաղթանակից՝ հաշվի առնելով, որ Նեթանյահուն հատկապես սերտ հարաբերություններ է զարգացրել Թրամփի հետ. հայտնում է The Times of Israel-ը:

Նրանք զգուշացնում են, որ Թրամփի հեռացումը Միացյալ Նահանգների իշխանությունից կարող է մեծ ազդեցություն ունենալ Նեթանյահուի վրա:

«Հիմա նրանք Նեթանյահուին կասեն՝ ձեր ընկերը հեռացել է, ինչ էլ որ լինի, այնպես որ՝ Դուք նույնպես պետք է հեռանաք,- պարբերականը մեջբերում է «Լիկուդ»-ի՝ վարչապետին ընդդիմախոս բարձրաստիճան պաշտոնյաներին:- Հիմա նրանք խոսելու են այն մասին, թե ինչպես է Նեթանյահուն խզել կապերը դեմոկրատների հետ, ինչ գին ենք վճարելու բոլորս և ինչպես է նա, ով ամենից լավ գիտի Ամերիկան, խաղադրույք կատարել սխալ ձիու վրա»:

«Լիկուդ»-ի պատգամավորներից մեկը թերթին ասել է, որ Իսրայելը պետք է նախապատրաստվի միջազգային ասպարեզում նոր իրողության: Սակայն, նրանց կարծիքով, Բայդենին չեն ցնցելու հակաիսրայելական տրամադրությունները:

«Դեմոկրատական կուսակցությունն ունի ծայրահեղ և արմատական խմբեր, որոնց հետ նույնիսկ Իսրայելի ձախ կառավարությունը չի կարող համակերպվել», - շեշտեցին պաշտոնյաները՝ հավելելով, որ «Բայդենն ունի ուժեղ աջակցության կենտրոն», ուստի չեն կարող ազդել նրա վրա: