Ասադի խորհրդականը Թուրքիային մեղադրել է Արցախում հակամարտություն հրահրելու մեջ

Թուրքիան հրահրում է Արցախում Ադրբեջանի և Հայաստանի միջև հակամարտությունը`ձգտելով ուժեղացնել իր տարածաշրջանային և միջազգային ազդեցությունը. ՌԻԱ «Նովոստի»-ի հետ զրույցում հայտարարել է Սիրիայի նախագահ Բաշար Ասադի խորհրդական Բուսեյն Շաաբանը:

«Հիմա Լեռնային Ղարաբաղում մենք կարող ենք տեսնել, որ Թուրքիան իսկապես բորբոքում է հակամարտությունը, և (Թուրքիայի նախագահ Թայիփ) Էրդողանի հայտարարությունը ցույց է տալիս, որ նրանք սատարում են Ադրբեջանի և Հայաստանի միջև այդ հակամարտության սադրանքին»,- ասել է Շաաբանը:

Ասադի խորհրդականի կարծիքով` Թուրքիան, թեժացնելով հակամարտությունը, ձգտում է ամրապնդել իր տարածաշրջանային և միջազգային դերը: