Կորոնավիրուսի վերաբերյալ ևս մեկ առասպել հերքվել է

Առողջապահության համաշխարհային կազմակերպությունը (ԱՀԿ) հայտնել է, որ տեղյակ չէ սննդի միջոցով կորոնավիրուսի փոխանցման դեպքերի մասին: Այս մասին հայտնում է Medical Xpress հրատարակությունը՝ վկայակոչելով ԱՀԿ պաշտոնյաների հայտարարությունը:

Կազմակերպությունը մեջբերում է չինացի գիտնականների ուսումնասիրությունը, որը հետազոտել է այն մարդկանց, ովքեր սպառել են COVID-19-ի հետքեր ունեցող սնունդ: Մասնավորապես, վիրուսը հայտնաբերվել է սառեցված հավի թևերի խմբաքանակի մեջ, որը Բրազիլիաից Շենժեն (Չինաստան) է բերվել: Քաղաքային իշխանությունները ստուգել են այն քաղաքաբնակներին, ինչպես նաև նրանց հարազատներին, ովքեր շփում են ունեցել սննդի փաթեթավորման հետ. ոչ մեկի մոտ չի հայտնաբերվել վարակ:

ԱՀԿ-ն հերքել է նաև այն առասպելը, որ սննդի միջոցով կորոնավիրուսով վարակման մեծ ռիսկ կա: Փորձագետների պատմել են, որ չինական Անհոյ նահանգում հայտնաբերվել է կորոնավիրուս խեցգետինների մոտ, որոնք պահվում էին սառնարանում: Սննդի հետ կապի մեջ մտած և դրանք սպառած մարդկանց թեստերը ցույց են տվել բացասական արդյունքներ:

«Ոչ մի ապացույց չկա այն մասին, որ սննդի կամ սննդի ցանցերը ներգրավված են կորոնավիրուսի փոխանցման գործընթացում», - ասում է ԱՀԿ Արտակարգ իրավիճակների գործադիր տնօրեն Մայքլ Ռայանը: ԱՀԿ-ի խորհրդատու համաճարակաբան Մարիա վան Կերխովեն նշել է, որ Չինաստանի իշխանությունները ուշադիր ուսումնասիրել են սննդի միջոցով COVID-19- ի փոխանցման հարցը: Ըստ նրա՝ մասնագետները ստուգել են սննդի փաթեթավորման մի քանի հարյուր հազար նմուշ և գտել 10-ից պակաս դրական արդյունք: