Ահազանգերի մի մասը տեղում հերքվել է, մի մասն էլ՝ մասնակի. ԿԸՀ

Կենտրոնական ընտրական հանձնաժողովի աշխատակազմի իրավաբանական վարչության պետ Լիլիա Հակոբյանը ԿԸՀ-ում ներկայացրեց Երևանի ավագանու ընտրությունների քվեարկության օրը ստացված դիմում-բողոքների, ԶԼՄ հաղորդումների և դրանց քննարկման արդյունքների վերաբերյալ տեղեկություն: Նա նշեց, որ մինչ 22:00-ը որևէ դիմում-բողոք չի ստացվել և Իրավիճակների վերլուծության կենտրոնը շարունակում է աշխատանքները: 

Նրա խոսքով՝ ստացվել է մոտ 5 տասնյակ զանգ, իրականացվել է լրատվամիջոցների մոնիթորինգ, ստացված ահազանգերի մի մասը տեղում հերքվել է, մի մասն էլ՝ մասնակի։

Հակոբյանը նշեց նաև, որ հերքվել է նաև այն տեղեկությունը համաձայն որի՝ ՀՀԿ-ի ավագանու թեկնածուն ընտրատեղամասերից մեկում փորձել է ղեկավարել ու ուղղորդել քվեարկության գործընթացը։

Հակոբյանի խոսքով՝ ի տարբերություն Ազգային ժողովի ընտրությունների, քիչ են եղել զանգահարողներ, ովքեր ցանկանում էին պարզաբանումներ՝ նոր քվեակարգի հետ կապված: