Դուբայի օդանավանակայանում COVID-19 հայտնաբերում են շների օգնությամբ

Դուբայի իշխանություններն այժմ կինոլոգների ու շների են ընդգրկում օդանավակայանում կորոնավիրուսի դեմ պայքարում օգնության համար։ Ռիա նովոստիի հաղորդմամբ, այդ մասին հայտնում է Travel and Leisure-ը։

Շները պետք է «փնտրեն» կորոնավիրուսով հիվանդներին։ Հետազոտությունների ընթացքում հոտի ճշգրտությունը կազմել է 92 տոկոս: Շների հոտառությունը մի քանի անգամ ավելի սուր է, այդ իսկ պատճառով հաճախ են նրանց օգտագործում պայթուցիկների կամ թմրանյութերի որոնման ժամանակ։

Կորոնավիրուսը հայտնաբերելու համար շների պատրաստումը լուրջ և երկարատև աշխատանք է պահանջում։ Դրա համար անհրաժեշտ է լաբորատորիա, հատուկ սարքավորում և հիվանդ մարդկանց քրտինք:

Դուբայի օդանավակայանը առաջինն էր, որը շներ է օգտագործել կորոնավիրուսի դեմ պայքարելու համար: Նրանք աշխատելու են հեռակա՝ առանց մարդկանց հետ շփման:

Դուբայը բացվել է  զբոսաշրջիկների համար հուլիսին։ Զբոսաշրջիկներից պահանջվում է COVID-19-ի բացասական թեստի մասին տեղեկանք, որը ստացել է ուղևորությունից ոչ շուտ, քան 96 ժամ առաջ: