Facebook-ը առաջին անգամ հեռացրել է Թրամփի գրառումը, իսկ Twitter-ը արգելափակել հաշիվը

Facebook-ի ղեկավարությունը ջնջել է ԱՄՆ նախագահ Դոնալդ Թրամփի ուղերձը կորոնավիրուսի վերաբերյալ. հաղորդում է Reuters-ը:

Սպիտակ տան ղեկավարի ջնջված գրառումը պարունակում էր Fox News-ին տված իր հարցազրույցի մի հատված: Հարցազրույցի ընթացքում Թրամփը հայտարարել է, որ երեխաները «գրեթե անխոցելի են» COVID-19-ի հանդեպ: Facebook-ը առաջին անգամ հեռացրել է ԱՄՆ գործող նախագահի գրառումը՝ COVID-19- ի մասին կեղծ տեղեկատվության պատճառով:

Դրանից հետո, նույն տեսանյութի պատճառով, Twitter միկրոբլոգային ցանցը արգելափակել է Թրամփի հաշիվը:

Թրամփի նախընտրական շտաբի խոսնակ Քորթնի Փարելը հայտարարել է, որ սոցիալական ցանցերը կողմնակալ են պետության ղեկավարի նկատմամբ: «Twitter–ի աշխատակիցը, ով բացատրեց, թե ինչու է մեր հաշիվը կասեցվել, նաև սենատոր Կամալա Հարիսի նախկին մամուլի քարտուղարն է», - նշել է Փարելը:

Նա նաև շեշտել է, որ սոցիալական մեդիա ընկերությունները ճշմարտության արբիտր չեն: Ըստ նրա՝ նախագահը միայն նշել է այն փաստը, որ երեխաները պակաս զգայուն են կորոնավիրուսի հանդեպ: