ՏԵՍԱՆՅՈՒԹ․ Բախում Լոնդոնում՝ BBC-ի դիմաց, հայկական և ադրբեջանական համայնքների միջև

«Հայաստանը խաղաղություն է ուզում» վանկարկումներով Մեծ Բրիտանիայի հայերը դիմավորեցին Լոնդոնում՝ BBC լրատվական ծառայության կենտրոնակայանի առջև ադրբեջանցիների կազմակերպած հակահայ ցույցը՝ հայտնում է Yerkir.am-ը։

Մեծ Բրիտանիայի ադրբեջանական համայնքը ցույց էր կազմակերպել բրիտանական միջազգային լրատվամիջոցի առջև՝ իր հակահայ քարոզչությունը տարածելու նպատակով։  Մեծ Բրիտանիայի Հայ Դատի հանձնախմբի նախաձեռնությամբ և համայնքի մասնակցությամբ՝ նրանց դիմավորեցին հայ համայնքի ներկայացուցիչները՝ հոգևորականների առաջնորդությամբ «Հայր Մեր» ասելով և հայրենիքի համար աղոթքով, նաև՝ խաղաղության ու պահանջատիրական կոչերով։ «Ախթամար» համույթի երիտասարդները  հայկական պարեր էին պարում։

Երկու համայնքներին բաժանող փողոցը բավականին լայն էր, բայց ինչ-որ մի պահի ոստիկանները ադրբեջանցիներին թույլ տվեցին շատ մոտենալ հայերին և նրանք սկսեցին հայհոյել ու քաշքշել խաղաղ հայ ցուցարարներին։ Կարճ քաշքշուքից հետո համայնքները բաժանվեցին և ցրվեցին՝ նախ ադրբեջանցիները, հետո հայերը։

Առավել մանրամասն՝ Yerkir.am-ը կներկայացնի առաջիկայում՝ ակցիայի մասնակիցների հետ հարցազրույցով։

Մանրամասն՝ տեսանյութում․