Կիեւում հանգիստ է, մերոնք իրավիճակը պահում են լուրջ վերահսկողության տակ. Արման Աբովյան

Քիչ առաջ խոսեցի Կիեւի հայ համայնքի ղեկավար Նորիկ Գեւորգյանի հետ. Կիեւում հանգիստ է, մերոնք իրավիճակը պահում են լուրջ վերահսկողության տակ։ Այս մասին ֆեյսբուքյան իր էջում գրել է ԲՀԿ խմբկցության քարտուղար Արման Աբովյանը:

Նա, մասնավորապես, նշել է. «Ուկրաինայի իշխանությունները շատ արագ եւ էֆեկտիվ արձագանքում են իրավիճակին։ Դեսպանությունն ամեն վարկյան կապի մեջ է հայկական կազմակերպությունների ղեկավարության հետ։ Կրկնեմ` իրավիճակը հանգիստ է։

Իմիջիայլոց ,սա նաեւ հետեւանք է ,որ Ուկրաինայում գործող հայկական կազմակերպությունները շատ էֆեկտիվ են եւ համակարգված։

Ի դեպ,Ուկրաինական իրավապահները, կարծես թե, բացահայտել են հակահայկական սադրանքներ կատարողներին։ Առայժմ այսքանը։

Նաեւ մշտական կապի մեջ եմ մերոնց հետ Մոսկվայում: Այնտեղ իրավիճակն ավելի բարդ է ,բայց մերոնք այնտեղ էլ շատ լուրջ աշխատում են ,որ իրավիճակը չընթանա ադրբեջանցիների նախագծած սցենարով։

Առայժմ այսքանը»: