Հունաստանը մտադիր չէ ներել Էրդողանին Սուրբ Սոֆիայի համար

Հույների համար Սբ. Սոֆիան այնպիսի մշակութային և պատմական նշանակություն ունի, որ Հունաստանի արձագանքը Թուրքիայի նախագահ Ռեջեփ Էրդողանի՝ տաճարը մզկիթ վերածելու որոշման վերաբերյալ, կարող է ծայրահեղ կոշտ լինել:

«Բոլոր նրանք, ովքեր խախտում են միջազգային օրենսդրությունը, պետք է հասկանան, որ նման հանցագործության համար կան ցավոտ պատժամիջոցներ», - նշել են Հունաստանի կառավարությունից: «Սբ. Սոֆիայի խնդիրը միջազգային խնդիր է: Անվիճելի միակ բանն այն է, որ նման հանցագործությունը և նման վիրավորանքը պետք է ունենան համապատասխան արձագանք»:

Հունաստանի արտաքին գործերի նախարար Նիկոս Դենդիասի խոսքով՝ «Սբ Սոֆիա» հարցը կրոնական խնդիր չէ, այլ ազգային իրավունքների մի մաս: