ԱՄՆ-ը կարող է արգելել չինացի բոլոր կոմունիստների մուտքը

ԱՄՆ նախագահ Դոնալդ Թրամփի վարչակազմը քննարկում է Չինաստանի Կոմունիստական կուսակցության անդամներին և նրանց ընտանիքներին երկիր մուտքը արգելելու առաջարկը: Այս մասին հայտնում է The New York Times-ը:

Ըստ թերթի՝ գոյություն ունեցող վիզաները կարող են հետ կանչվել նաև կուսակցության անդամներից և նրանց հարազատներից, ինչը կհանգեցնի արտաքսման: Նախագծի որոշ ձևակերպումներ ենթադրում են, որ սահմանափակումները կազդեն Չինաստանի Ժողովրդական ազատագրական բանակի անդամների և պետական ձեռնարկությունների ղեկավարների վրա:

Թերթի աղբյուրները նշում են, որ նախագծի մանրամասները չեն հաստատվել վերջնականապես, և Թրամփը, ի վերջո, կարող է մերժել այն: