կարևոր
3706 դիտում, 11 ամիս առաջ - 2023-07-26 18:26
Քաղաքական

Շվեդներն արգելել են Փյունիկի ռուսների մուտքը երկիր. կարգելե՞ն հայերը շվեդական ակումբի թուրք խաղացողների մուտքը ՀՀ

Շվեդներն արգելել են Փյունիկի ռուսների մուտքը երկիր. կարգելե՞ն հայերը շվեդական ակումբի թուրք խաղացողների մուտքը ՀՀ

Օրերս հայտնի դարձավ, որ ֆուտբոլի Հայաստանի փոխչեմպիոն «Փյունիկի» ռուսաստանցի կիսապաշտպան Միխայիլ Կովալենկոն եւ ռուսաստանցի մարզիչ Ռոման Մոնարյովը բաց կթողնեն շվեդական «Կալմարի» դեմ հուլիսի 27-ին կայանալիք Կոնֆերենցիաների լիգայի որակավորման երկրորդ փուլի առաջին հանդիպումը, որը տեղի կունենա Շվեդիայում։ Պատճառը նրանց ազգային պատկանելիությունն է։

«Այո, մեր խաղացողներին դարձյալ թույլ չտվեցին, քանի որ Հայաստանում Լեհաստանի դեսպանությունն է տրամադրում շվեդական վիզաներ։ Մենք դիմել ենք այլ դեսպանություններ, բայց նրանք ասացին, որ չունեն իրավունք, իսկ լեհական դեսպանությունում հրաժարվեցին ընդունել մեր ռուսաստանցիների փաստաթղթերը, քանի որ դա նրանց պետական քաղաքականությունն է»,- այս մասին ռուսական championat.com-ին ասել էր Արթուր Սողոմոնյանը։

Թիմերի միջև պատասխան հանդիպումը տեղի է ունենալու օգոստոսի 3-ին Վազգեն Սարգսյանի անվան հանրապետական մարզադաշտում։

Հայտնի է, որ շվեդական Կալմարի կազմում հանդես են գալիս Թուրքիայի քաղաքացիություն ունեցող ֆուտբոլիստ՝ Դենիզ Հյումմեթը։ 

Արդյո՞ք թուրքական շահերը սպասարկող ՀՀ իշխանությունները կունենան համարձակություն և պատասխան միջոցառումներ կկիրառեն շվեդական ակումբի նկատմամբ՝ արգելելով այդ ակումբի թուրք ֆուտբոլիստի մուտքը երկիր։