Ջիհադիստները Բեռլինում դանակներով հարձակվել են սիրիահայի վրա

Հուլիսի 6-ին հարձակման է ենթարկվել Գերմանիայի խորհրդարանի ապարատի սիրիահայ անդամ Գևորգ Ալմասյանը: Նրան Բեռլինում դանակահարել են երկու իսլամիստները: Պատգամավոր Մարկուս Ֆրոնմայերը օգնություն է խնդրել հանցագործներին հայտնաբերելու հարցում:

Գևորգ Ալմասյանը հայ քրիստոնյա է, որը որպես փախստական է ճանաչվել Գերմանիայում: 2018 թվականից նա աշխատում է Գերմանիայի խորհրդարանում «Այլընտրանք Գերմանիայի համար» կուսակցության պատգամավոր Մարկուս Ֆրոնմայերի համար:

Երկուշաբթի օրը երկու իսլամիստներ փողոցում դանակով հարձակվել են Ալմասյանի վրա: Ալմասյանին հաջողվել է փախչել: Ֆրոնմայերը տեղեկություններ է խնդրում հանցագործի մասին:

Ալմասյանը ավելի ուշ Twitter-ի իր էջում գրել է. «Ես ջնջեցի երեկ իմ վրա հարձակված մարդու լուսանկարը: Գործը այժմ գտնվում է Բեռլինի իրավասու մարմինների ձեռքում: Շնորհակալություն տղաներին՝ ձեր համերաշխության համար: Հուսով եմ, որ ոստիկանությունը շուտով կգտնի նրան, և արդարությունը կգերակայի »:

Ալմասյանը նախկինում սպառնալիքներ էր ստացել անհայտ անձանց կողմից: Ենթադրաբար, սպառնալիքները եկել են իսլամական արմատականներից: