Ջիհադիստները քիմիական հարձակում են ծրագրել Լոնդոնի մետրոյում. Daily Mail

Մեծ Բրիտանիայի հակաահաբեկչական հետախուզությունը պարզել է, որ «Իսլամական պետություն» ահաբեկչական խմբավորումը ծրագրել է քիմիական հարձակում իրագործել Լոնդոնում: Այս մասին գրում է Daily Mail-ը:

Ջիհադիստների ծրագրերի մասին հայտնի է  դարձել ԻՊ բարձրաստիճան անդամների միջև հեռախոսազրույցի ձայնագրությունից: Ըստ իշխանությունների` Մեծ Բրիտանիայում ԻՊ-ի կողմից քիմիական հարձակում իրագործելու հավանականությունը 25%-ից հասել է 50%-ի:

Ենթադրվում է, որ Լոնդոնի մետրոյում քլոր պարունակող ռումբ կպայթեցվի, ինչը կարող է դառնալ մոտ հարյուր մարդու մահվան պատճառ:

Հայտնի է, որ այժմ բրիտանական իշխանություններն ակտիվորեն մշակում են նման հարձակումները կանխելու, ինչպես նաև հարձակման դեպքում արդյունավետ քայլեր կիրառելու ծրագրեր: