Սիրիայի հյուսիս-արևելքում՝ Թուրքիայի սահմանի մոտ ահաբեկչություն է տեղի ունեցել

Մեքենայում տեղադրված ռումբը պայթել է Թել Աբյադ քաղաքում, որը գտնվում է Սիրիայի հյուսիս-արևելքում՝ Թուրքիայի սահմանի մոտ։

Ըստ նախնական տեղեկությունների՝ պայթյունի հետևանքով զոհվել է ութ մարդ, 27-ը վիրավորվել են:

Մի շարք աղբյուրներ պնդում են, որ մահացածներից երեքը երեխաներ են եղել:

Հաղորդվում է նաև, որ պայթյունի հետևանքով զոհվել են մի քանի ահաբեկիչներ, որոնց, հնարավոր է, որ պատկանում էին պայթուցիկ նյութերը:

Պայթյունը հնչել է Ֆուրն հրապարակում գտնվող ահաբեկչական խմբավորումներից մեկի շտաբի մոտակայքում:

Հիշեցնենք, որ սիրիական Ռաքքա նահանգի Թել Աբյադ քաղաքը գտնվում է Թուրքիայի հետ սահմանի մոտ և ներկայումս վերահսկվում են թուրքամետ ապօրինի զինված խմբավորումների կողմից: