Դուբայը երեքշաբթի օրվանից սահմանները բացում է զբոսաշրջիկների համար

Դուբայը երեքշաբթի օրվանից կրկին կսկսի օտարերկրյա զբոսաշրջիկներ ընդունել. այս մասին հայտնում են տեղի իշխանությունները, նշելով՝ Դուբայ ժամանած բոլոր անձինք պետք է կորոնավիրուսի բացասական թեստ ներկայացնեն կամ այն հանձնեն օդանավակայանում:

Ընդ որում Թեստի դրական արդյունքի դեպքում զբոսաշրջիկները 14-օրյա կարանտին կանցնեն:

Էմիրության բնակիչները, որոնք այս պահին գտնվում են երկրի սահմաններից դուրս, կարող են երկուշաբթի օրվանից սկսած վերադառնալ Դուբայ: Ժամանումից հետո նրանք նույնպես պետք է կորոնավիրուսի թեստ հանձնեն և ինքնամեկուսանան՝ մինչև պատասխանի ստացումը: Դրական արդյունքի դեպքում նրանք ևս 14 օրով կմեկուսացվեն։