Վրաստանը բացում է սահմանները եվրոպական հինգ երկրների համար

Վրաստանի Միջգերատեսչական համակարգող խորհրդի որոշմամբ՝ այս փուլում Վրաստանը անվերապահորեն կբացի սահմանը հինգ երկրների համար. այս մասին հայտարարել է երկրի վարչապետի խորհրդական Իրակլի Չիկովանին:

Գերմանիայի, Ֆրանսիայի, Լատվիայի, Լիտվայի և Էստոնիայի բնակիչները հնարավորություն կունենան բոլոր տեսակի այցերով այցելել Վրաստան միայն օդային ճանապարհով:

«Նախքան վրացական սահմանը հատելը, նրանք պետք է լրացնեն հատուկ մշակված էլեկտրոնային հարցաշար, որում պետք է նշվեն վերջին 14 օրվա ուղևորության պատմությունը, Վրաստան այցի ընթացքում նշված վայրը, տեղեկությունները և այլն:

Նրանց համաձայնությամբ, կամ եթե սահմանը ջերմային զննում անցնելուց հետո ջերմաստիճանը գերազանցում է 37 աստիճանը, նրանք օդանավակայանում կանցնեն թեստ:

Բացի այդ, պարտադիր ստուգում կամ կարանտին կանցկացվի այն անձանց համար, ովքեր վերջին 14 օրվա ընթացքում այցելել են ԵՄ-ի սահմաններից դուրս բարձր ռիսկային երկրներ: