ՌԴ-ն արձագանքել է ԱՄՆ-ի դեմ Թալիբանի հետ «դավադրության» մասին New York Times-ի հրապարակմանը

Ռուսաստանի նախագահի հատուկ ներկայացուցիչ, Ասիայի երկրորդ դեպարտամենտի տնօրեն Զամիր Քաբուլովը ԶԼՄ-ների հրապարակումը՝ կապված Թալիբանի հետ Մոսկվայի «դավադրության» մասին, անվամել է  ԱՄՆ-ում ներքաղաքական պայքարի արդյունք:

«Մենք արդեն մեկնաբանել ենք «Նյու Յորք Թայմզ» թերթի հրապարակումը: Չափազանց մեծ աժիոտաժ է ստեղծվում բացահայտ կեղծիքի շուրջ, որը նույնիսկ Թրամփն ու նրա վարչակազմը հերքել են։ Հասկանալի է, որ ովքեր չեն ցանկանում հեռանալ Աֆղանստանից, ցանկանում են արդարացնել իրենց սեփական անհաջողությունը» - ասել է Քաբուլովը:

Անցյալ շաբաթ «Նյու Յորք Թայմզ» -ը, վկայակոչելով ԱՄՆ հետախուզական գործակալությունների անանուն ներկայացուցիչների, հոդված էր հրապարակել, որում ասվում էր, որ Ռուսաստանի ռազմական հետախուզությունը պարգևատրումներ է առաջարկել «Թալիբան» խմբավորման զինյալներին Աֆղանստանում ամերիկացի զինվորների վրա հարձակման համար: Ոչ մի ապացույց չի ներկայացվել: Դրանից հետո ԱՄՆ-ում Ռուսաստանի դեսպանատունը հայտարարեց դիվանագետների դեմ սպառնալիքների մասին:

Արտաքին գործերի նախարարությունն էլ իր հերթին հրապարակումը կեղծ անվանեց: Սպիտակ տունը նույնպես քննադատեց հոդվածը՝ նշելով, որ հետախուզությունը նման բան չի հաղորդում, և ըստ Դոնալդ Թրամփի՝ հրապարակումը պատվիրված է եղել: Ավելի ուշ հերքում տարածվեց նաև թալիբների կողմից: