Փաշինյանը չի հասկանում կամ տանել չի կարողանում քաղաքային մշակույթը. Ա. Գրիգորյան

ՀՅԴ Հայաստանի Գերագույն մարմնի ֆինանսների հանձնախմբի նախագահ Արմեն Գրիգորյանը գրում է.

«Գույքահարկի դրույքաչափերի բարձրացման ֆոնին, երբ բնական դիսկուրս է ձևավորվում, համաչափության և համարժեքության վերաբերյալ, Նիկոլ Փաշինյանը իր նախկին ելույթի կտորներից է դնում, դրանով ցույց տալով, որ պատրաստ չի բովանդակային քննարկման դաշտ մտնել երևանցիների հետ։ Ավելին, այսպիսի քամահրական վերաբերմունքը իր մեջ մի քանի էլեմետներ է պարունակում․

1․ չի հասկանում կամ տանել չի կարողանում երևանցիներին և քաղաքային մշակույթը,

2․ ձեռ է առնում մարդկանց՝ ավելի ներվայնացնեով նրանց,

3․ ստեղծում է բաժանարարներ հիմա արդեն Երևանի մեջ,

Հիմա դե արի ու այս մարդուց բան հասկացի։ Այս մարդը իր բոլոր դժվարությունների համար մեղադրում է բոլորին բացի իրենից և իր անբովանդակ, անհաջողակ թիմից։ Հատկապես անհանդուրժելի է, երբ մեղադրում է ժողովրդին։

Եվ ուրեմն․․․

Սիրելի երևանցիներ, քանի որ գույքահարկը բարձրանում է, ապա մեղավորը դուք եք։

Ահա Նիկոլի ամբողջ մեսիջը ձեզ»։