Այս շարժումը ոչ ոք չի կարող տանել մարման. Արմեն Գրիգորյան

Բոլոր նրանք ովքեր կարծում են, թե այս շարժումը կմարի, ապա պետք է հիասթափեցնեմ: Հրապարակում կանգնած մարդիկ համապարտ պատասխանատվություն են կրում ամբողջ պրոցեսի համար: Չեմ ճանաչում որևէ մեկին, որին բերում են հանրահավաքի, բոլոր մասնակիցները հավաքվում են սեփական նախաձեռնությամբ և սեփական կամքով: Այլ բան պարզապես չկա, այլ դեպքի այս շուրջ 20 օրերի ընթացքում չեմ հանդիպել: Ամեն օր կողքիս են կայացած, գրագետ, կրթական բարձր ցենզ ունեցող և խիստ որոշակի բարձր արժեհամակարգի տեր մարդիկ: Նրանց չես կարող համոզել, չես կարող ստիպել, չես կարող նրանց վրա ազդեցության լծակ գտնել: Նրանք մարդիկ են ովքեր ունեն կոնկրետ պահանջ, այն է հեռացնել այս իշխանությանը և ներդնել ազգային և զարգացած պետության հիմքերը: